Soyutma, İsitmə və Havalandırma Sistemləri

Obyekt daxilində təmiz hava mübadiləsini təmin etmək, nəmişlik, qoxu və artıq istiliyi nəzarətdə saxlamaq üçün mexaniki və mərkəzi havalandırma həlləri qurulur.

• AHU sistemi — iri obyektlər üçün havanın filtrasiya, isitmə/soyutma və paylanmasını bir mərkəzdən idarə edən hava emalı qurğuları.
• Mətbəx üçün havalandırma və zondlar — tüstü, buxar və yağlı havanın təhlükəsiz şəkildə xaric edilməsi üçün sorucu sistemlər.
• Rekuperator — xaric edilən havanın istiliyindən istifadə edərək daxil olan təmiz havanın əvvəlcədən temperaturlaşdırılması və enerji qənaəti.
• İonlaşdırılmış hava sovurucuları — havadakı xırda hissəciklərin və qoxuların azaldılmasına kömək edən xüsusi filtrasiya həlləri.
• Ventilyatorlar — kanal daxili, dam tipli və sənaye ventilyatorlarının seçimi və quraşdırılması.
• Tüstü sorma — fövqəladə hallarda tüstünün istiqamətləndirilmiş şəkildə xaric edilməsi üçün sistemlər.
• Nəmləmə qurğuları — havanın rütubət səviyyəsinin tələb olunan normada saxlanması üçün həllər.

Obyektin sahəsinə, istilik itkisinə və istifadə rejiminə uyğun istilik mənbəyi və paylanma sistemi seçilir. Məqsəd komfortu qorumaqla yanacaq və elektrik sərfiyyatını azaltmaqdır.

• Qazanxana sistemləri — fərdi və mərkəzi qazanxanaların layihələndirilməsi, avadanlıq seçimi və avtomatlaşdırılması.
• Qazla işləyən odluq — qazan sistemlərinə uyğun qaz burner-lərinin seçimi və təhlükəsiz quraşdırılması.
• Maye yanacaqla odluq — dizel və digər maye yanacaq sistemləri üçün burner həlləri.
• Kombi — mənzil, villa və kiçik kommersiya obyektləri üçün isitmə və isti su təminatı.
• Radiator — otaqlara görə istilik gücünün hesablanması və düzgün radiator seçimi.
• Yerdən isitmə — bərabər istilik paylanması və komfort üçün su əsaslı döşəmə isitmə sistemləri.
• Konvektor və Fancoil — sürətli istilik mübadiləsi və zonalara bölünmüş temperatur nəzarəti.
• Aparey — böyük həcmli sahələr üçün hava ilə isitmə avadanlıqları.
• Kalorifer — ventilyasiya və isitmə xətlərində havanın temperaturlaşdırılması üçün istilik dəyişdiriciləri.

İstifadə sahəsinə uyğun olaraq fərdi kondisionerlərdən mərkəzi soyutma qurğularına qədər müxtəlif sistemlər seçilir. Layihə zamanı yük hesablaması, boru xətləri, drenaj və avtomatika nəzərə alınır.

• VRV / VRF — çoxsaylı daxili blokların bir xarici sistemlə idarə olunduğu, zonalara uyğun yüksək səmərəli soyutma həlli.
• Multi-split — bir xarici blokla bir neçə daxili blokun işlədilməsi üçün uyğun sistem.
• Split — otaq və kiçik sahələr üçün klassik fərdi kondisioner həlli.
• Chiller-Fancoil — iri kommersiya və sənaye obyektləri üçün su əsaslı mərkəzi soyutma sistemi.
• Chiller-AHU — mərkəzi hava emalı ilə birlikdə işləyən yüksək güclü soyutma həlli.
• Roof-Top — dam üzərində yerləşdirilən, hava kanalları vasitəsilə soyutma və ventilyasiyanı birləşdirən paket sistem.
• Konvektor — lokal zonalarda əlavə istilik və soyutma tələbatını qarşılamaq üçün kompakt həll.